TARTANGA Lanbide Heziketako Zentroko Gizarteratzeko Goi Mailako ikasleek Eragintza bisitatu dute berriki, gure lana eta gizarteratzearen eta laneratzearen esparruan garatzen ditugun programak gertutik ezagutzera bideratutako jardunaldian.
Bisitan zehar, Eragintzak osasun mentaleko arazoak dituzten pertsonekin egiten duen lanera hurbiltzeko aukera izan zuten ikasleek, baita haien gizarteratzea eta laneratzea errazteko eskaintzen ditugun zerbitzuak, ibilbideak eta baliabideak ezagutzeko ere.
Jarduerak elkartrukerako eta ikaskuntzarako espazio bat sortzea ahalbidetu zuen, non ikasleek kolektiboaren errealitatean sakondu ahal izan zuten, baita osasun mentalaren eremuko erakundeen eta profesionalen arteko sare-lanaren garrantzian ere. Eragintzatik, horrelako topaketak osasun mentaleko arazoak dituzten pertsonen gizarteratzearen eta laneratzearen esparruan garatzen dugun lana etorkizun profesionalera hurbiltzeko aukera gisa baloratzen dira. Horregatik, izugarri eskertzen dugu Ane, Arrate, Haizea, Izaro eta Iruneren bisita eta gainditu beharreko erronkan kontuan hartu izana.
