Bizkaiko Medikuen Elkargoak eta Eragintzak zabalkunde-hitzarmena sinatu dute, medikuntzako profesionalei eta herritarrei fundazioaren lana hurbiltzeko.
Osasun mentaleko arazoak dituzten pertsonen gizarteratzearen eta laneratzearen errealitatea ezagutarazteko ahaleginak batzeko helburuarekin, CMBko presidenteak, Joseba Atxutegi Amarikak, eta Eragintzako zuzendari nagusiak, Izaskun Landaidak hitzarmena sinatu dute bi erakundeen artean.
Sinatutako hitzarmena, BMEk hainbat gizarte eta Osasun erakunderekin duen lankidetza ildo baten barruan dago. Horrela, Elkargoak Eragintzaren eskura jartzen ditu bere komunikazio-kanalak mediku elkargokideen eta herritarren artean bere jarduerak, proiektuak, kanpainak eta beharrak zabaltzeko, eta, gainera, BMEaren espazioen erabilera kontuan hartzeko prestakuntza- edo dibulgazio-jarduerak antolatzeko.
