Lanbidek homologatutako “Datuak eta dokumentuak grabatzeko eta tratatzeko eragiketak” titulazioan profesionaltasun-ziurtagiria lortzeko izena emateko epea zabalik dago.
Prestakuntzaren bidez, honako eginkizun hauek betetzeko ezagutzak eta gaitasunak eskuratuko dira:
- • Datuak grabatzea, kodetzea eta digitalizatzea.
- • Dokumentuen kudeaketa.
- • Testu-prozesadoreak eta kalkulu-orriak maneiatzea.
- • Informazioa bilatzea eta webguneak erabiltzea, posta elektronikoa kudeatzea, mezularitza, datuen migrazioa, eta abar.
Prestakuntzaren ezaugarriak
Prestakuntza-egutegia astelehenetik ostiralera izango da, 10:00etatik 14:00etara, eta Eragintza Fundazioaren egoitzan emango da. Prestakuntza 2026ko urriaren 26tik 2027ko ekainaren 8ra egingo da.
440 orduko prestakuntza-etapa hori gainditu ondoren, 80 orduko praktikak egingo dira enpresetan.
Bizkaiko Foru Aldundiak ehuneko ehunean diruz lagundutako jarduera da, LAN BERRI programaren bidez.
