Eragintzaren helburua osasun mentaleko arazoak dituzten pertsonak euren laneratze prosezuetan laguntzea da.
Eragintzatik saiatzen gara gure erabiltzaileek kirola egiteko ohitura har dezaten, horrek eragin positiboa duelako beren bizitzetan eta ondorioz, beren lanean.
Hau horrela izanda, eta Athletic Fundazioaren laguntzari esker, multikiroleko taldea indartu dugu. Ostegunetan biltzen da, 12: 00etatik 13:00etara, Bilboko Deportivon, eta ez da beharrezkoa aldez aurretik kirola egiteko ohiturarik izatea.
Izena eman nahi duenak eragintza@eragintzafundazioa.eus helbide elektronikoaren bidez edota 944 231 693 telefonora deituz egin dezake, plazak libre dauden bitartean.
Eli Ibarra Athleticeko jokalari ohia da begiralea. Elik 413 aldiz jantzi du elastiko hau eta 44 partida jokatu ditu estatuko selekzioarekin. Emakumeen Nazioarteko Eguna dela eta, bere ibilbide futbolistikoa eta momento honetan Athletic Fundazioan egin duenaren berri eman du.
Athletic Fundazioa
Athletic Fundazioak ibilbide luzea egin du Eragintza Fundazioarekin lankidetzan. Esaterako, gure walking futbol taldeak Athletic Fundazioak bultzatutako ‘Geurea Ligan’ parte hartzen du eta Eragintzako erabiltzaileek multikiroleko taldean parte hartzen dute, besteak beste.
