2025ean, 70 sukaldaritza-tailer baino gehiago egin dira. Helburua da zentro okupazionaletako erabiltzaileek ahalik eta bizimodu autonomoena egin ahal izatea.
Zentro okupazionaletako erabiltzaileek prestatzen dituzte platerak, elaborazio-prozesuaren fase guztiak betez, eta taldean dastatzen amaitzen dute. Ekimena oso ondo baloratu da.
Bizimodu independentea
Eragintzako Zentro Okupazionalek erabiltzaileen bizimodu independentea sustatzen dute, haien gaitasun pertsonalak eta fisikoak indartuz, hainbat trebetasunetan entrenatuz, eguneroko bizitzarako autonomia maila handiena eskuratu ahal izateko.
Esparru honetan, hainbat dinamika garatzen dira, besteak beste, sukaldaritza-tailerrak.
