Bizkaiko Osasun Mentaleko Sareak eta Eragintza Fundazioak lankidetza-hitzarmena luzatu dute 2027ra arte, osasun mentaleko arazoak dituzten pertsonen bizi-kalitatea hobetzen jarraitzeko eta gizarteratzeko eta laneratzeko ibilbidean laguntzeko.
Gauzak horrela, Osakidetzaren Osasun Mentaleko Sareak enplegu-profila duten erabiltzaileei Eragintza Fundazioaren baliabideetarako sarbidea errazten jarraituko du ezarritako protokoloari jarraituz.
Bi erakundeek konpromisoa hartzen dute taldean lanean jarraitzeko, eta horretarako, batzorde misto baten esparruan garatuko dute beren jarduera. Batzorde horretan hitzarmena betetzen den egiaztatuko da.
Akordio hori Aratxu Lozano, Bizkaiko Osasun Mentaleko zuzendari gerenteak, eta Izaskun Landaida, Eragintzako zuzendari nagusiak, sinatutako hitzarmenarekin gauzatu da.
Esparru horretan, bi erakundeen arteko koordinazio-bilerak indartu dira. Bilera horietan, besteak beste, Bizkaiko Osasun Mentaleko zuzendari medikoa den Jose Ignacio Landaluce eta gizarte-langileen arduraduna, Marián Larrinaga, eta Eragintzako programen zuzendaria, Carol del Campo, izan dira.
Era berean, aurrera egiten ari gara Bizkaiko Osasun Mentaleko nerabeentzako eguneko ospitale psikiatrikoko talde profesionalarekin lankidetzan.
