EcA foroak enplegu publikoari buruzko work cafe bat antolatu du adimen-desgaitasuna eta buruko gaixotasuna duten pertsonentzat. Topaketa oso aberasgarria izan da; izan ere, desgaitasuna duten pertsonak laneratzearen alde lan egiten dugun EHLABEko erakundeen eta hainbat administrazioren arteko hausnarketarako gune bateratu bat ahalbidetu da. Besteak beste, agerian geratu da desgaitasun intelektuala eta osasun mentaleko arazo batek eragindako desgaitasuna tratamendu desberdinak eskatzen dituzten bi errealitate desberdin direla. Era berean, Eragintza Fundaziotik adierazi dugu enplegu publikoko eskaintzetan osasun mentaleko arazo batek eragindako desgaitasuna duten pertsonentzako kupo espezifiko bat finkatu behar dela.
Enplegu Lagunduaren Foroa.
EcA Foroa ekimenean, Eragintza Fundazioaz gain, Euskadiko beste 11 erakundek parte hartzen dugu, EHLABEren koordinaziopean, desgaitasuna duten pertsonak enplegu arruntean laneratzea bilatuz.
Horretarako, enplegu lagunduaren metodologia erabiltzen dugu, desgaitasuna duten pertsonak lan-eremu arruntean laneratzeko tresna edo bitarteko gisa. Metodologia horrek barne hartzen ditu ordaindutako lana eta lan-kontratua duen enplegua, banakako laguntzak enpresan bertan, pertsonaren beharretara egokituta, eta aholkularitza eta doako laguntza enpresei.
