Eragintza Fundazioak maiatzaren 10ean parte hartu zuen “1205-Euskadiko Hirugarren Sektore Soziala”-ren zortzigarren edizioan, Bilboko Itsasmuseumeko auditorioan.
Hirugarren Sektore Sozialaren Eguna euskal 4.000 erakunde baino gehiagok gizarte kohesionatu, inklusibo eta parte-hartzailearen alde egunero egiten dugun lana bateratzeko, ikusarazteko eta laguntzeko jardunaldia da.
«Aldaketa eraikitzen» izan zen aurtengo ediziorako aukeratutako leloa. Bide horretan, gizarte bidezkoago eta solidarioago baterako aldaketa eraiki nahi dugu piezaz pieza, gainerako eragile sozial, instituzional eta herritarrekin, aniztasun osoan.
Ekitaldi horretan, Euskadiko hirugarren sektoreko ordezkaritza zabalaz gain, Iñigo Urkullu lehendakariak ere parte hartu zuen, eta euskal erakundeen eta Hirugarren Sektorearen arteko lankidetzaren balioa nabarmenduz.
Lankidetza horri esker, behar zehatzak zein diren azkar eta eraginkortasunez identifikatzeko eta erantzun egokiak eskaintzeko gai gara.
Gonzalo Rodriguez Aguirregoitiari saria
Ekitaldiak, halaber, Bizkaiko Caritaseko Gonzalo Rodriguez Aguirregoitiari Sareen Saria emateko balio izan zuen.
Arestian aipaturiko sari horren bidez, Euskadi solidarioagoa, bateratuagoa eta sozialki inklusiboagoa eraikitzeko konpromisoa eta lana izan duten pertsonen ibilbidea aitortu nahi da.
Bere ibilbidean, Gonzalo Rodríguez funtsezko pertsona izan da Euskadiko Hirugarren Sektore Sozialaren garapenean. Aguirregoitia Elkarrizketa Zibilerako Mahaia sortzeko eta abian jartzeko bultzatzaileetako bat izan zen. Mahai horren helburua Eusko Jaurlaritzaren eta Hirugarren Sektore Sozialaren arteko elkarrizketa erraztea, politika publikoen diseinua eta betearazpena hobetzea da .
