“Datuak eta dokumentu elektronikoak grabatzeko eta tratatzeko eragiketak” atalean profesionaltasun-ziurtagiria lortzeko prestatzen ari den Eragintzako taldea enpresetan hasi da.

Gogoan izan Eragintza fundazioaren helburu nagusia osasun mentaleko arazoak dituzten pertsonak gizarteratzea eta laneratzea dela.

Ildo horretan, beste prestakuntza-proposamen batzuen artean, Lanbidek homologatutako profesionaltasun-ziurtagiriak lortzeko prestakuntza ematen da, eta horietako bat “Datuak eta dokumentu elektronikoak grabatzeko eta tratatzeko eragiketak” izenekoa da.

Zehazki, 360 prestakuntza-ordu eman dira, eta ikasleek hainbat funtzio modu egokian garatzeko beharrezko gaitasunak eskuratu dituzte.

Parte-hartzaileek administrazio- eta kudeaketa-lanetan eskatutako informazioa eta dokumentazioa erreproduzitzen eta artxibatzen ikasi dute. Hori guztia ezarritako jarraibide, araudi eta prozeduren arabera, modu koordinatuan eta kalitate-, produktibitate-, segurtasun- eta ingurumenarekiko errespetu-irizpideekin.

Enplegu-aukera berriak

Fase hori gaindituta, pertsona horiek ilusioz hasten dira ezagutza horiek hainbat enpresatan praktikan jartzen (80 ordu) eta, gauzak horrela, enplegu-aukera berriak izaten.

Eragintza Fundaziotik zorionak eman nahi dizkiegu prestakuntza hau egiten ari den pertsonei, sortutako lan-giro bikainagatik.

Profesionaltasun-ziurtagiri honen edo homologatutako beste prestakuntza batzuen hurrengo edizioan parte hartzeko interesa duten pertsonak badaude, Eragintzarekin harremanetan jar daitezke eragintza@nulleragintzafundazioa.eus helbide elektronikoaren edo 944 231 693 telefonoaren bidez.