Eskerrak ematen dizkiegu gure jokalariei, talde teknikoari eta entrenatzaileari denboraldian zehar egindako lanagatik
GEUREA LIGA, denboraldi honetan Gasteiz taldeak (Arabako Osasun Mentaleko Sarea) Athletic Fundazioarekin batera antolatutakoa, amaitu zen Manuene taldeak Lehenak-en aurka Gasteizko Abetxuko kiroldegian jokatutako finalean lortutako garaipenarekin.
Liga osatzen duten talde guztiek parte hartu zuten jardunaldian, Eragintzakoak barne, eta giro bikaina nagusitu zen. Bertan izan zen Andoni Goikoetxea, Athletic Clubeko jokalari ohia, eta agurtu eta dominak eman zizkien Eragintza Fundazioko jokalariei.
Eragintza Fundaziotik zorionak ematen dizkiegu talde irabazleari eta liga osatzen duten talde guztiei, eta eskerrak ematen dizkiegu GEUREA LIGA posible egiten duten pertsona eta erakunde guztiei: Athletic Fundazioari eta Forum Sporti gure janzkera babesteagatik, besteak beste. Era berean eskerrak ematen dizkiegu gure jokalariei, talde teknikoari eta entrenatzaileari denboraldian zehar egindako lanagatik.
Eragintzako taldea Jonathan, Ismael, Juanan, Gabri, Alex, Imanol, Iker, Paul, Lander, Iker U, Julen, Aritz, Hodei, Onori, Dani, Jorge, Leo, Asier, Jon eta Unaik osatu dute.
Jose Antonio eta Luis Ernesto izan dira laguntzaile teknikoak eta David entrenatzailea.
Geurea Liga
Liga honetan osasun mentalaren arloan lan egiten duten hainbat erakundetako bederatzi taldek parte hartzen dute, publikoak zein pribatuak. Osakidetzako Osasun Mentaleko Sareko bost taldek: Arabako Gasteizek, eta Bizkaiko Barakaldo, Zamudio, Lehenak (Bilbo) eta Manuenek (Larrabetzu). Argia Fundazioak, AVIFES-gaixotasun mentala duten pertsonen eta haien senideen Bizkaiko elkarteak, ASASAM-ek, gaixotasun mentala duten pertsonen eta haien senideen Arabako Elkarteak, eta Eragintza Fundazioaren taldea.
Kirola egitearen garrantzia
Ariketa fisikoa eta kirola tresna terapeutiko gisa erabiltzen dira, kirol- eta gizarte-trebetasunak hobetzeko eta bizi-ohitura osasungarriak garatzeko. Zehazki, osasun mentalaren arloan, hainbat sintoma eta alderdi hobetzen laguntzen du, gaixotasun mentalaren estigmaren aurkako borroka errazteaz gain.
