Eragintza Fundazioaren helburua osasun mentaleko arazoak dituzten pertsonei laneratzen laguntzea da. Horregatik, eskaintzen ditugun zerbitzuekin batera, harreman estua dugu enpresekin, alde batetik, balizko kontratazioak identifikatzeko eta, bestetik, osasun mentalari buruzko prestakuntza emateko.
Konpainiei zuzendutako prestakuntza honen bidez, osasun mentalaren arloan pedagogia egiteaz gain, fundazioaren helburu estrategikoetako bat bete nahi da: osasun mentaleko arazoak dituzten pertsonek pairatzen duten estigma hausten laguntzea.
IBILBIDEk kanpo jarduera bultzatzen
Eragintzako IBILBIDE programa gazteenei zuzenduta dago, eta Derrigorrezko Bigarren Hezkuntzako (DBH) titulua Urrutiko Hezkuntzako Institutuaren bidez lortzeko azterketak prestatuz amaitu da. Lan horren ondorioz, lau gazte gehiagok lortu dute ikasturte honetan DBHko...
