
Eragintzak izena emateko epea ireki du Lanbidek homologatutako garbiketako profesionaltasun-ziurtagiria lortzeko
Eragintza Fundazioak osasun mentaleko arazoak dituzten pertsonak lanean integratzeko duen asmoaren barruan, lehen Gizarteratze Ibilbidea jarri da abian 2024-2025 ekitaldirako. Ekimen horri esker, parte hartzen dutenek garbiketako profesionaltasun-ziurtagiri bat lortu ahal izango dute, Lanbidek homologatua, eta, aldi berean, lan-mundurako sarbidea erraztuko duten orientazioko, aktibazioko eta lan-bitartekaritzako ekintzetan parte hartzeko aukera izango dute.
Gainazalak garbitzeko profesionaltasun-ziurtagiriak, IFAP SLrekin lankidetzan emango denak, honako eduki hau du:
* 150 ordu garbiketa-moduluan.
* 110 lan-aktibazioko ordu.
* 80 orduko praktikak enpresetan.
Hasiera irailaren bigarren hamabostaldirako aurreikusi da.
Parte hartzeko baldintza nagusia da % 33ko edo gehiagoko desgaitasun-ziurtagiria izatea eta langabezian egotea.
Interesatuek izena eman ahal izango dute irailaren 20ra arte (beti ere plazak badaude) gure instalazioetan bertan, 944231693 telefono zenbakira deituz edo eragintza@nulleragintzafundazioa.eus helbide elektronikoaren bidez.
Gizarteratze Ibilbide horiek Bizkaiko Foru Aldundiko Enplegua, Gizarte Kohesioa eta Berdintasun Sailak sustatutako Lan Berri programaren barruan daude.
Leave a Comment