Saretu Eragintzako belaunaldien arteko emakume-taldea da, eta ahalduntze-prozesu pertsonaletan laguntzen duten alderdiak lantzen ditu.
Oraingo honetan, Dora Salazarren zirgariak bisitatu ditugu.
Bisitak emakume horiei omenaldia egiteko balio izan digu, baita eskultura horiek ordezkatzen dituzten guztiei ere: gizartearen ahaztuei eta bazterretan uzten direnei, inolako ikusgarritasunik eta aintzatespenik izan gabe.
Zirgarien adibidearekin bilatzen da, halaber, Eragintzako emakumeek beren eguneroko bizitzan egin dituzten, egiten dituzten eta egiten jarraituko duten balio-ekarpenak aitortzea, bai beren ingurune hurbilenetan, bai gizartean.
Zirgariak
Irudiek soka edo sirga batez lotutako lau emakume irudikatzen dituzte, Bilboko itsasadarraren ertzetan emakume askok zirgeratzat egin zuten lana islatuz. XIX. mendean, Bilboko portua Bilborako sarbide garrantzitsua zen, eta estatu osoko merkataritza-gune garrantzitsuenetako bat. Batzuetan, hondarra hiriaren sarreran pilatzen zen, eta ontzi handiei bidea galarazten zien. Emakume horiek Bilbon merkantziekin sartzen ziren itsasontziak arrastatzen zituzten bazterretatik, laguntzarik gabe ezin zirelako sartu. Idiek ere egiten zuten lan hori, eta horrek ematen du aditzera zer-nolako lan fisikoa zen. Garai hartan oso lan neketsua zen, prekarioa, eta ez zen oso ezaguna, nahiz eta Bilboko bizitza ekonomikorako oso garrantzitsua izan.
