Eragintzaren helburua osasun mentaleko arazoak dituzten pertsonei gizarteratzeko eta laneratzeko prozesuetan laguntzea da. Hori dela eta, Eragintza Santurtziko Itsastarren Etxearekin elkarlanean arituko da ibilbide honetan profil ezberdinei lagundu ahal izateko.
Santurtziko Itsastarren Etxea
Santurtziko Itsastarren Etxea Bizkaiko Gizarte Urgazpenerako Foru Erakundeak (GUFE) kudeatzen duen gune soziosanitario eta komunitarioa da. Buruko nahasmendu larria duten pertsonei egoitza eta laguntza eskaintzen die, haien garapen pertsonala eta soziala erraztuz, ospitaleratzearen eta bizitza autonomoaren arteko tarteko eredu batean, programa terapeutikoekin eta laguntzako programekin.
