Eragintzak Osasunaren Euskal Itunaren aurkezpenean parte hartu du. Euskal osasun-sistemaren etorkizuna indartu eta bideratzeko ekimena da, erakundeen, profesionalen eta gizarte-eragileen arteko adostasunaren bidez.
Eragintzatik oso positiboki baloratzen ditugu akordio honetan jasotako edukiak eta helburuak, eta, bereziki, ardatz estrategikoetako bat osasun mentalari eskaintzea, lehentasunezko arreta eskatzen duen eremua baita.
ERAGINTZAren ustez, osasun mentala lehentasun estrategiko gisa aitortzea urrats garrantzitsua da, gizarte gisa interpelatzen gaituen errealitate bati erantzuteko modu koordinatuan lan egiten jarraitzeko beharra indartuz.
